رسالة إلى عبدالعزيز بن طليمس المهداوي

[الوسقاوي]

هذه قصيدة مهداة إلى الأستاذ / عبدالعزيز بن طليمس المهداوي مدير تعليم البنات ، كتبها إليه أحد المواطنين بعد تقدمه إليه لنقل ابنته والتي مضى عليها أكثر من أكثر 10 سنوات في الحبقة ، ولكن لم يجد نتيجة :
عبدالعزيز أهدي إليكم سلامي تحية ميزاجها المسك والطيب
أبو عصام أعتب وأوجه ملامي ياكم قدمنا لكم من مكاتيب
نبغى الاتساوي بالوفا والتمام يا ولد من هو ينثني في المواجيب
قدمت في نقل البنت عشرة أعوام ولا لقينا من يلبي المطاليب
أمشي وأقصر خطوتي والمقام وين الذي يقدر السن والشيب
لا جيتكم قلتوا نشوف النظامي في الكمبيوتر هو ينظم بترتيب
وين الشهامة والوجيه الكرامي اللي تهلي بالنبا والتراحيب
نبغى النبا الطيب وزين الكلام والعذر يقبل يابن الأجواد لا ريب
وأنا ولد من ينتخي في الزحامي شيخ يحل المشكلة والمصاعيب
وانتم وحنا من رجال حشامي رفاقة محنا بعيد الأصاحيب
دنيا جدل فيها كثير الخصام واشوف في الدنيؤا كثير التعاجيب
رزقي على منشي سحاب الغمامي الخالق اللي يعلم الجهر والغيب
اطلب من المولى يحقق مرامي الواحد اللي من رجا فيه ما يخيب
اللي فرض فرض الصلاة والصيامي من رحمته أرسل إلينا مناديب
يعلم خفانا في سواد الظلامي ويغفر الزلات ويستر العيب
أسألك يا مولاي حسن الختامي يا الواحد اللي مطلع في المراقيب
وصلوا على المبعوث خير الأنامي محمد اللي ادبه الرب تأديب
شفيعنا يوم الخلايق قيامي من نار تلظى باللهب والمشاهيب

[عبدالله الذبياني]

ويش هذه القصيدة المكسرة

على الشعر السلام

[الوسقاوي]

ويش عرفك في الشعر يا ذبياني ؟؟؟
هذي قصيدة متعوب عليها ................

[عاشق البرشا 10]

بصراحه مايستاهل كل هذا الشعر لانه من عند الله النقل

وشكرا

[ابــــو عــلــي]

تسلم اخوي الوسقاااااااوي

لكن اذا طلع كلامك صح انها لها عشرة اعوام وما نقلت

فانصحك ان تذهب الى الوزارة وتأكد انه لن يضيع لك حق


دمت بود

[سمو الملك]

الا اعرفه في هالاداره

ماتمشي الا الواسطه


وشكرا

[ابوحنش]

نشوف حركت النقل الجديدة
نشوف حركت التعيين الجديد
الواسطة.........عمى ..........الواسطة ...بلى
الله فوق كل شي ثم الواسطة مثل يدك اليمين لكن في حد المعقول ودون ظلم الاخرين ولمساعدة المحتاجين لحل امور مستعصية وهي تستاهل ولكن غير ذالك محاسبين علية ولاناجر بل ناثم علية واجعل توكلك على الله وحدة دائما في كل شي والله يوفق ويسهل

[احمدالعصماني]

حرام القصيدة فيه
أخي الكريم مدير تعليم البنات هذا ما يعرف يركب كلمتين .
اخذ الادارة وهو من غير اهلها
عندما تؤكل الامانه الي غير اصحابها .
شهادته انتساب بتقدير مقبول منخفض
صدق ان اي كلمه بيلقيها تكتبها له زوجته . وتدرسه اسبوع كامل عشان يحفظ الكلمة.

الله المستعان

[خيوط المستحيل]

وبكل صراحة

اذا كان هو مهدواي راح ينقل بنته

لو كان غير كذااا

راح تكمل التقاعد في مكانها ولا تنقل